ملي ورځې د یوه هېواد د ملي هویت ښکارندوی دي ، د نړۍ نور ملتونه یې د درناوي په پار یادونه کوي او په میشت هېواد کې د خپلو سیاسي نماینده ګیو او ادارو رخصتي هم د همدې ورځو د درناوي لپاره ټاکي.
د افغانستان ملي ورځې هم د اهمیت وړ او په هېواد کې د ټولو قشرونو د یووالي او مینې سمبول دی چې له نیکه مرغه پدې برخه کې ټول اقوام په یوه خوله د دې ورځو ستاینه او نمانځله کوي.
زموږ د ګران هېواد ملي ورځې په لاندې ډول دي.
د وري لومړۍ نیټه : د نوروز جشن نمانځنو ورځ
د وري ۲مه : د بزګر مېله (دهقان جشن)
د وري دويمه اوونۍ : د افغانستان د جیولوجیستانو اوونۍ
د غويي ۷مه : د افغانستان د خلق دیموکراتیک ګوند کودتا (ثور انقلاب)
د غويي ۸مه : د افغانستان د خلکو د جهاد بریا ورځ (د مجاهدينو د بري ورځ)
د غويي وروستۍ اوونۍ : د کتاب لوستنې اوونۍ
د غبرګولي له ۱۵مې څخه تر ۲۱مې : د چاپیریال ساتنې اوونۍ
د زمري ۷مه : د ملي بيرغ نمانځنې ورځ
د زمري ۱۱مې څخه تر ۱۷مې : د مور له شیدو څخه د تغذیې اوونۍ
د زمري ۲۸مه : د افغانستان د خپلواکۍ ساتلو ورځ
د وږي ۹مه : د پښتنو او بلوڅو د پیوستون ورځ
د وږي ۱۸مه : د احمد شاه مسعود د ترور ورځ ( د شهیدانو اونۍ هم په همدې نیټه پیلیږي )
د تلې ۲۴مه : د افغاني سرې میاشتې سره د مرستې اوونۍ پیل
د لړم ۱۵مه : د ملي وحدت او ولسي جرګې د وکیلانو د ترور ورځ
د مرغومي ۶مه : پر هېواد د شوروي لښکرو د یرغل ورځ
د مرغومي له ۱۴مې څخه تر ۲۱مې: د هېواد د اساسي قانون د نمانځنې ملي اوونۍ
د سلواغې ۲مه : د انفجار او تعبیه شوو موادو پر وړاندې د مبارزې ملي ورځ
د سلواغې ۲۶مه : له افغانستانه د شوروي پوځیانو د وتلو ورځ
د کب ۳مه : د شوروي لښکرو پر وړاندې د کابل د خلکو پاڅون ورځ
د کب ۹مه : د امنیتي او دفاعي ځواکونو د ملاتړ ورځ
د کب ۲۰مه : د نیالګیو د کرلو او ساتلو ملي ورځ
د کب ۲۰مه : د هېواد د فرهنګي میراثونو د ساتنې ملي ورځ
د کب ۲۴مه : د خلقي او پرچمي حکومت پر وړاندې د هرات ښار د اوسیدونکو پاڅون ورځ
د کب ۲۷ مه : د خبریالانو ملي ورځ