تاند، شنبه، د جوزا ۳۱مه: کابل کې د امریکا سفارت ګڼ غړي، دیپلوماتان، قراردادیان او ځایي کارمندان په کورونا اخته شوي دي.
د امریکا د بهرنیو چارو وزارت دا خبر تاییدوي مګر د ناروغانو دقیق شمیر یې نه دی ویلی او زیاتوي چې د کورونا د مخنیوي ټول تدابیر یې نیولي دي.
بلخوا د سفارت یوه سرچینه د نوم نه ښودلو په شرط وایي چې د سفارت لږ تر لږه ۲۰ غړي کورونا نیولي دي چې د سفارت نیپالي ساتونکي هم پکې دي.
سرچینه وایي، دغه ناروغان قرنطین دي او شاید پیښې نورې هم زیاتې شي.
افغانستان کې تر دې وړاندې د بهرنیانو له جملې یوازې ۵ تنه په کورونا ملوث شوي وو خو وروسته ناټو او نورو نړیوالو سفارتونو په دې اړه معلومات پټ کړل.
دا مهال ناټو په کابل کې د بهرنیانو لپاره د کورونا پرمختللی لابراتوار لري چې پخوا به یې ټیسټونه بهر ته استول کیدل او یوه اوونۍ وخت به یې نیوه.
د یادونې ده چې نن په افغانستان کې د کورونا مثبتې پېښې ۲۸ زره ۴۲۴ ته لوړې شوې.
امریکایان باید هوښیارشی دی فاسدی اداری ته یوه روپی کمک ونکړی. زیات کمکونه راغله خو دی خاینینو جبونه پری ډک کړل. مرک په مفسدینو