تاند، شنبه، د جوزا ۳۱مه: د هلمند نهرسراج ولسوالۍ کې تېره شپه له طالبانو سره په جګړه کې دوه لوړپوړي چارواکي وژل شوي دي.
امنیتي سرچینې وایي، دغه چارواکي له خپلو ځواکونو سره د طالبانو په کمین اوښتي وو.
سرچینه وایي په دغه جګړه کې د ۲۰۵ میوند قول اردو د څلورمې لوا رئیس ارکان محمد ظاهر توربای او د سرحدي پولیسو د دریم کنډک قومندان محمدجان خپلواک له ۵ نورو امنیتي سرتیرو سره ژوند له لاسه ورکړی.
طالبانو د دغه خبر په تایید سره ویلي دي چې د هلمند مرکز لښکرګاه او نهرسراج ترمنځ دکوچيانو په سيمه کې تېره شپه
یې دولتي ځواکونه په کمین کې واوښتل او د ډګرمن محمد ظاهر توربای او د سرحدي لوا د دریم کنډک رئیس ارکان محمد جان خپلواک په ګډون لس تنه سرتیري کې ووژل شول.