نیمه پیړۍ مخکې کله چې موږ په وزیرو کې اوسېدو، هغه چاته به يې جامع الکمالات ویل، چې هرکاره به و او تل به يې د دې دعوه کوله چې په هر څه پوهېږي. په هر کار کې به د تروو د مچ په څېر ځان مستحق ګاڼه او يا به مستحق ګڼل کېده.
له نېکه مرغه اوس هم ځینې کسان د جامع الکمالاتو په بست کې کار کوي. پخواني ښه او پر ځای کارونه بايد وساتل شي، ځکه د ځينو کسانو له لاسه ور کول د هېواد په ګټه نه دي.
هر چا ته خدای ( ج ) د ګيدړې پوهه نه ورکوي پر ځينو-ځينو يې پېرزو کوي، ځکه يې تل د چرګانو کباب چمتو او بریتونه يې غوړ وي. مننه
(( ځانګړی څوک مې موخه نه ده.))