شنبه, مې 25, 2024
Homeخبرونهجرمني او نړیوال بانک افغانستان ته نورې مرستې هم ورکوي

جرمني او نړیوال بانک افغانستان ته نورې مرستې هم ورکوي

تاند، جمعه، د جوزا ۲۳ مه:د جرمني د اقتصادي همکارۍ او پراختیا وزارت وايي، له افغانستان سره د کورونا د مخنیوي او له هغه د رامنځ ته شوي تاوان سره د مبارزې لپاره د نږدې ۷۰ میلیون یورو مرسته کوي، چې ۵،۷۷ میلیارد افغانۍ کېږي.

د دې وزارت د بهرنیو اړیکو مشر مارتین ییګر د افغانستان د مالیې وزارت له چارواکو سره خبرو کې پرون دا ژمنه کړې او د افغانستان مالیې وزارت هم د خبرپاڼې خپرولو سره دا خبر تایید کړی دی.

په عین حال کې د د روغتیا نړیوال سازمان اعلان کړی چې په نږدې راتلونکی کي به له کورونا سره د مبارزې لپاره، افغانستان سره ۷۰ میلیونه ډالره مرسته وکړي.

دې سازمان ویلي له دې ویروس څخه ډېر اغېزمن خلک باید دې مرستو کې لومړیتوب ولري.

د مۍ میاشتې په اتمه نړیوال بانک د مهمو اقتصادي او مالي اصلاحاتو د لا چټکولو او له کورونا سره د روانې مبارزې د لا ښه اداره کولو لپاره له افغانستان سره څلور سوه میلیون ډالره مرسته تصویب کړه.

له هغه څلور ورځې مخکې اسیايي بانک هم د افغانستان له روغتیا وزارت سره ۴۰ میلیونه ډالره مرسته وکړه چې د دې وزارت د چارواکو په خبره، د اسیاسي بانک دا مرسته به هم د کورونا سره د مبارزې لپاره ولګول شي.

تر دا مهاله هند، ترکیې، امریکا، ناټو، اروپایي ټولنې، جرمني، نړیوال بانک، اسیایي بانک، روسیې، چین او روغتیا سازمان له افغانستان سره د تجهیزاتو او نغدي مرسته کړې ده.

LEAVE A REPLY

Please enter your comment!
Please enter your name here

- Advertisment -

ادب