تاند (سې شنبه، د جوزا ۲۰) سره له دې چې د کورونا وایرس لپاره تراوسه واکسین او د تداوۍ لپاره د باور وړ درمل جوړ شوي نه دي، امریکايي متخصصانو ویلي چې د کورونا لپاره یې یو ډول درمل تشخیص کړي چې د دې وایرس د وژونکو ډولونو د مخنیوي لپاره اغېزمن دي.
دا درمل د کورونا وایرس له شدید عفونت څخه ناروغان ژغوري.
دا درمل د (acalabrutinib) په نوم د درملو ترکیب دی چې د وینو د خبیثه سرطانونو د درملنې لپاره کارول کېږي.
د دې درملو په اړه د امریکايي متخصصانو د څېړنې پایلې په ساینس ایمونولوجي (Science Immunology) مجله کې خپاره شوي دي.
دا درمل د کورونا په ۱۹ داسې ناروغانو ازمویل شوي چې اکثرو یې تنفسي ستونزې لرلې او د مصنوعي اکسیجن لپاره یې د اکسیجن له الو اخیست.
د دې درملو استعمال وښوده چې د ناروغانو تنفسي ستونزه کموي خو لا هم پکار ده چې د هغه د بې خطره ډوز (اندازې) د ټاکلو لپاره په کنټرول شویو عضوي تجربو کې وڅېړل شي.