ولسمشر محمد اشرف غني تېره شپه د الکوزي د مشروباتو د تولید فابریکې ته لاړ او د کورنیو تولیداتو د تشویق لپاره یې فابریکه او د هغې کارکوونکي ولیدل.
ده د فابریکې بېلابېلې برخې ولیدې او ویې ویل چې دلته د دې لپاره راغلی چې افغاني تولیدات وهحوي. ده له هېوادوالو وغوښتل چې د خپل هېواد له محصولاتو څخه استفاده وکړي.
ولسمشر غني زیاته کړه، که څه هم د شپې لخوا د چارو د څېړنې لپاره بېلابېلې سیمې ویني خو نن شپه د نورو شپو په توپير د یوې فابریکې لیدلو ته راغلی دی چې د افغانانو لخوا جوړه شوې او افغاني محصولات په کې توليديږي.
محمد اشرف غني یاده فابریکه، د افغانستان د راتلونکي لپاره پانګونه وبلله او د الکوزي د فابريکې له څېښتن څخه يې له دې کبله مننه وکړه چې په حساسو شرایطو کې يې په خپل هېواد کې پانګونه کړې ده.
په دې فابریکه کې، چې د پيپسي توليدوي، درې سوه ملیون ډالره پانګونه شوې ده.