تاند، چهارشنبه، د جوزا ۷مه: د بهرنیو چارو سرپرست وزیر حنیف اتمر وايي، د هریرود سیند کې د افغانانو د ډوبېدو پېښې څېړلو هدف د عاملینو پیدا کول او هغوی ته د سزا ورکړه ده.
اتمر دا خبره له هغې وروسته کړې چې له هغه وروسته کړې چې تیره ورځ د ایران د بهرنیو چارو مرستیال وزیر محسن بهاروند په کابل کې د افغانستان د بهرنیو چارو له سرپرست وزیر محمد حنیف اتمر سره په لیدنه کې وویل، د ثور میاشتې د ۱۳مې نېټې د پېښې په اړهیې د افغانستان حکومت د اسنادو څېړنه کړې او نتیجه بهیې له افغان لوري سره شریکه کړي.
ښاغلی بهاروند چې کابل ته راغلی وايي، تیره اونۍ یې د ثور ۱۳ پېښې د افغان څېړونکي پلاوې اسناد رد کړي او ویلي یې وو چې دا پېښه له افغان لورې سره له ډیپلوماټیکو لارو حل کوي.
خو د افغان بهرنیو چارو سرپرست وزیر حنیف اتمر بیا د دوی په ځواب کې ویلي، د ثور میاشتې د ۱۳مې د پېښې په اړه د تحقیقاتو هدف د عاملینو مجازات او لازم اقدامات دي چې د دا ډول پېښو د تکرار او د دواړو هېوادونو ترمنځ پر اړیکو یې د اغېز مخه ونیول شي.
بل لور ته د بهرنیو چارو وزارت ویاند ګران هېواد له رسنیو ته په استول شوې ویډیو پیغام کې وایي، دواړو لوریو توافق کړی چې د افغانستان تحقیقاتو نتیجه به د ایران لوري ته تسلیم شي او امنیتي او دولتي ادارې بهیې په تفصیل سره ارزوي او خپله نتيجه به له افغانستان سره شریکوي.
د ثور په ۱۳مه تر ۵۰ ډېر افغانان چې په غیر قانوني ډول ایران د مزدورۍ لپاره تلل د ایران د سرحدي ځواکونو له لوري لومړی په مرمیو ویشتل شوي او بیا هریرود سیند ته اچول شوي دي.
له دې کسانو محدود شمېر وژغورل شول او د یو شمېر کډوالو مړي تر اوسه نه دي موندل شوي.