په کویټ کې د افغانستان شارژدافیر محمد شفیق خطیب له کویتي پانګهوال عجېج خلف او یو شمېر سوداګرو او پانګهوالو سره په لیدنه کې د افغانستان د امنیت او ثبات، اقتصادي ظرفیتونو او د پانګونې د شته فرصتونو په اړه خبرې وکړې.
د افغانستان سفارت نن ویلي، دواړو لورو د سوداګریزو او اقتصادي اړیکو د پیاوړتیا او د پانګونې د همکاریو د پراختیا پر اهمیت ټینګار کړی دی.
کویت د خلیج د سیمې د عربي هیوادونو په منځ کې هغه هیواد دی چې له افغانستان سره ډېر لږ تعاملات لري او ترذاوسه پورې یې د افغانستان په چارو کې تقریباً هیڅ ډول لېوالتیا نه ده لیدل شوې. حال دا چې کویت د پرېمانو تېلو له برکته ډېر شتمن هیواد دی.
محمد شفیق خطیب له کویتي سوداګرو او پانګهوالو وغوښتل چې افغانستان ته سفر وکړي، د پانګونې فرصتونه له نژدې وڅېړي او د دغه هېواد په بېلابېلو اقتصادي برخو کې پانګونه وکړي.
دا لیدنه په داسې مهال کېږي چې افغانستان هڅه کوي بهرنۍ پانګونه راجلب او له سیمهییزو او نړیوالو شریکانو سره خپلې سوداګریزې او اقتصادي اړیکې پراخې کړي.
څرګنده نه ده چې کویتي پانګوال به په افغانستان کې پانګونې ته څومره لېوالتیا ښوولې وي خو باور کېږي چې له دا ډول پانګوالو سره تماسونه کومک کوي چې په افغانستان کې د بهرنیانو پانګونې جذب شي.