تاند (دوشنبه د اسد/زمري ۶مه) د بدخشان د امنیې قوماندانۍ ویاند، احسانالله کامګار، رسنیو ته ویلي چې د دې ولایت د اطلاعاتو او فرهنګ رئیس، ذبیحالله امیري وژل شوی دی.
کامګار زیاته کړې چې امیري نن (سهشنبه، د اسد ۶مه) د بدخشان ولایت له بهارک ولسوالۍ د ولایت مرکز فیض اباد ته روان و چې وسلهوال برید پرې وشو او ووژل شو.
یو بریدګر په ځوابي ډزو وژل شوی او بل ژوندی نیول شوی دی.
د بدخشان د امنیې قوماندانۍ د ویاند په وینا، د دې پېښې د انګېزې او څرنګوالي په اړه څېړنې پیل شوې دي.
تر اوسه د برید د عاملانو یا د برید د اصلي لامل په اړه رسمي معلومات نه دي خپاره شوي.
د بدخشان وروستۍ پېښه په داسې حال کې رامنځته کېږي چې په دې ولایت کې په وروستیو کې امنیتي وضعیت د اندېښنې وړ بلل کېږي او د وسلهوالو نښتو او تاوتریخوالي راپورونه زیات شوي دي.
سیاسي شنونکي وایي، د یوه لوړپوړي ولایتي چارواکي وژل کېدل ښيي چې په سیمه کې امنیتي ننګونې لا هم جدي دي او د وضعیت د لا خرابېدو احتمال شته.