تاند (دوشنبه د چنګاښ/سرطان ۲۲مه) د ایران او امریکا ترمنځ د سختو کړکېچونو په دوام، تهران په شپږو عربي هېوادونو کې پر امریکايي پوځي اډو پراخ ډرون او توغندیز بریدونه کړي دي.
دغه بریدونه بحرین، کویټ، قطر، اردن، عمان او متحده عربي اماراتو، چې د فارس خلیج په سیمه کې موقعیت لري، تایید کړې دي.
سپاه پاسداران ویلي چې په دغو هېوادونو کې یې د قوماندې مرکزونه، د بېپیلوټه الوتکو اډې، رادار سیستمونه او د توغندیو د توغولو مرکزونه په نښه کړي دي.
قطر راپور ورکړی چې د توغندیو د چاودنو د ټوټو له امله درې کسان، چې یو ماشوم هم پکې شامل دی، ټپیان شوي دي.
اردن ویلي چې څلور ایراني توغندي یې شنډ کړي او هېڅ ډول مالي یا ځاني زیان نه دی اوښتی. کویټ هم د نفتي تاسیساتو د زیانمنېدو او د یوه کارګر د ټپي کېدو خبر ورکړی دی.
ایران هممهاله اعلان کړی چې د هرمز تنګی یې تړلی او دا وضعیت به همداسې دوام ولري. د دې اقدام له امله د نفتو نړیواله بیه له ۴ سلنې څخه ډېره لوړه شوې ده.
د نښتو دا نوی پړاو پر ایران د امریکا له بریدونو وروسته پیل شوی او عملي ډول یې لنډمهالی اوربند له منځه وړی دی.
ډونالډ ټرمپ ویلي: «موږ به هغوی سخت وځپو.» تهران هم د «سخت او پرېکنده ځواب» ژمنه کړې ده.
د ایران له لوري پر شپږو ګاونډیو هېوادونو بریدونه د فارس خلیج سیمه نوره هم بېثباته کړې او د جګړې د پراخېدو او د نړیوالې انرژۍ د بحران په اړه اندېښنې یې زیاتې کړې دي.
عرب ځناور د افغانانو د نيمې پېړۍ قصابي شریک مجرمان دي. چې چېرته وحشي عرب ته زیان رسيږي که د سر وي که دې ثروت، له زړه پرې خوشاله کیږو. 👏🍻🍾