تاند (دوشنبه د چنګاښ/سرطان ۱۵مه) د افغانستان د ازموینې ملي ادارې اعلان کړی چې د ۱۴۰۵ کال د کانکور ازموینې پایلې به نن دوشنبه (د سرطان ۱۵مه) خپرې شي.
یاده اداره وایي چې د روان کال د کانکور ازموینه په څلورو پړاوونو کې ترسره شوه، چې شاوخوا ۱۲۰ زره هلکانو پکې ګډون کړی و.
دا پنځم پرلهپسې کال دی چې نجونې د کانکور په ازموینه کې له ګډون او پوهنتونونو ته له داخلېدو محرومې دي.
په داسې حال کې چې هلکان به د پایلو له اعلان وروسته بېلابېلو پوهنتونونو ته ولاړ شي، د افغانستان نجونې د پنځم پرلهپسې کال لپاره له شپږم ټولګي پورته زدهکړو او لوړو زدهکړو څخه منع شوې دي.
د طالبانو حکومت هم تر اوسه د نجونو پر مخ د زده کړو د دروازو د پرانیستو برخه ې شین څراغ نه دی ورکړی.
اوس مهال افغانستان د نړۍ یوازینی هېواد دی چې نجونې پکې د زدهکړو او لوړو زدهکړو له حق څخه محرومې دي.دې اوږدمهاله بندیز میلیونونه نجونې د خپلو اساسي بشري حقونو له مهمې برخې بېبرخې کړې او د دې پرېکړې د ټولنیزو، اقتصادي او فرهنګي اغېزو په اړه یې جدي اندېښنې راپارولې دي.
د کانکور د پایلو اعلان په داسې حال کې کېږي چې په افغانستان کې د نجونو د زدهکړو د راتلونکي په اړه لا هم پراخ بحثونه روان دي او ګڼو د ښځو د حقونو فعالانو او نړیوالو بنسټونو د دغو محدودیتونو د لغوه کېدو غوښتنه کړې ده.