تاند (یکشنبه د غبرګولي/ جوزا ۱۰مه) د هند غوره لیګ یا آي پي اېل سږني پړاو پایلوبه نن ماښام د راشدخان اړوند ګجرات ټایټنز او رایل چلنجرز بنګلور لوبډلو ترمنځ ترسره کېږي.
دغه لوبه د احمداباد ښار په نریندرا مودي لوبغالي کې ترسره کیږي.
دواړو لوبډلو یوازې یو یو ځل د هند غوره لیګ اتلولي ګټلې ده.
خو د کرکټ پوهان په دې باور دي چې، احمد اباد لوبغالي کې د راشدخان اړوند ګجرات لوبډله برلاسې ده او حالت ته په کتو ښايي د پایلوبې ګټونکې شي، هغه څه چې د لوبې په پای کې به معلومه شي.
بل لورته بیا د دواړو لوبډلو لوبغاړو ته په کتو د لوبې پرېکړه به سخته وي.
بنګلو په نیمه پایلوبه کې ګجرات مات کړ او پایلوبې ته ووت، خو په دوهمه نیمه پایلوبه کې بیا ګجرات ستره لوبډله راجستان ماته کړه او پایلوبې ته ورسېده.
دا چې نننۍ پایلوبه به څوک ګټي جزیات به یې له لوبې وروسته مالومه او تاند وېب پاڼه به یې له تاسو سره شریک کړو.
په ګجرات لوبډله کې راشدخان هم لوبېږي چې، تېره ورځ یې په خپل انسټاګرام لیکلي وو: « خوښ یم چې پایلوبې ته ووتو، پایلوبه کې به خپله ټوله هڅه کوم».