تاند ( سه شنبه د غبرګولي/ جوزا ۵مه)افغانستان کې د طالبانو د حکومت د زندانونو چارو د تنظیم ادارې ویلي، چې د سترې محکمې له منظورۍ وروسته یې د هېواد له زندانونو ۱۱ سوه ۹۱ تنه بندیان خوشې کړي دي.
یاد ادارې نن(سهشنبه، د مې ۲۶مه) دا خبرپاڼه خپره کړې ده.
خبرپاڼه کې راغلي، چې د سترې محکمې له منظورۍ وروسته یې د هېواد له زندانونو ۱۱ سوه ۹۱ تنه زندانیان، توقیفیان او محجوزین خوشې کړي دي.
د دې ادارې په وینا، دغه کسان د راڼه بهیر له مخې خوشې شوي، څو د لوی اختر ورځې له خپلو کورنیو او دوستانو سره ولمانځي.
سرچینې دا نه دي ویلي چې، په دغه شمېر کې څو تنه ښځې او ماشومان شامل دي.
د یادولو ده چې هر کال د کوچني او لوی اختر په مناسبت زرګونه تنه بندیان د هېواد له بېلابېلو زندانونو څخه خوشې کېږي.
LAST YEAR ALL PRISONER START ROBBERY IN JABD CITY.
THEY TOOKE MOBILE FROM PEOPLES,
THEY STOLEN BELONGING FROM STORES,
I HOPE TALIBS PAY ATTENTION TO THE SECURITY. OF RESIDECE.
THANK YOU TAAND