تاند (یکشنبه د ثور/ غويي ۲۷مه) ازبکستان او چین د افغانستان پر فلزي او غیر فلزي کانونو پانګونې ته چمتووالی ښودلی دی.
افغانستان کې د طالبانو د حکومت د کانونو او پټرولیم وزارت وايي، د ازبکستان او چین یو شمېر پانګوال افغانستان ته راغلي او پر فلزي او غیر فلزي کانونو یې پانګونې ته چمتووالی ښودلی دی.
یاد وزارت په یوه خبرپاڼه کې ویلي چې، هغوی په همدې خاطر د طالبانو د ياد وزارت له مالي او اداري مرستیال مولوي حسام الدین صابري سره لیدلي دي.
د دې لیدني پر مهال په افغانستان کي پر یادو کانونو د پانګونې په اړه خبرې شوي او په دې برخه کې یې پانګونې ته چمتووالی ښودلی دی.
په خبرپاڼه کې راغلي چې، صابري یادو پانګوالو ته د هر ډول اسانتیاوو برابرولو ترڅنګ د قانوني همکارۍ ډاډ هم ورکړی دی.