تاند (یکشنبه د ثور/ غويي ۲۷مه) د افغانستان د کورنۍ کرکټ سترې یو ورځنۍ سیالۍ « لېسټ ای» نن یکشنبه په ننګرهار کې پيل شوې.
دغو سیالیو د پيل لوبه په غازي امان الله خان کرکټ لوبغالي کې د بندامیر او میس عینک د زونونو د لوبډلو ترمنځ روانه ده.
د یوې لوبډلې مشري رحمن الله ګربز کوي او د بلې لوبډلې بیا حشمت الله شهیدي.
کرکټ بورډ وایي چې، دا سیالۍ هر کال د زونونو په کچه ترسره کېږي چې، په سږني لېسټ ای سیالیو کې هم ۵ لوبډلې برخه لري.
د کرکټ بورډ په وینا د مهالوېش له مخې به په دې سیالیو کې هره ګډونواله لوبډله به یو د بل پر وړاندې ۶ لوبې کوي چې، دوه مخکښې لوبډلې به یې پایلوبې ته لار مومي.
پایلوبه بیا د جون میاشتې په څلورمه نېټه ترسره کېږي.