تاند (یکشنبه د ثور/ غويي ۲۷مه) افغانستان کې د طالبانو د حکومت د المپیک، بدني روزنې او ورزش ادارې ویلي چې، د تکواندو ۸کسیزه لوبډله د آسیايي سیالیو د سهمیې ترلاسه کولو په موخه منګولیا ته تللې ده.
په دې لوبډله کې دوه روزونکي او شپږ ورزشکاران شامل دي.
یاد ریاست زیاته کړې چې، منګولیا د دغو سیالیو کوربه هېواد دی.
د مالوماتو له مخې، یادې سیالۍ د روانې میلادي میاشتې په ۲۱مه نېټه پیلېږي او د همدې میاشتې تر ۲۵مې نېټې پورې به دوام وکړي.
د دغې برخې ورزشکاران هم دې سیالیو ته خوښ دي او د لاسته راوړنو هیله لري.