تاند (شنبه د ثور/ غويي ۲۶مه) کرملین ویلي چې، ددغه هېواد ولسمشر ولادیمیر پوتین به د را راونې سې شنبې په ورځ چین ته سفر وکړي.
پوتین به په دغه سفر کې د چین له چارواکو سره د دوه اړخیزه اړیکو په تړاو خبرې وکړي.
د کرملین ماڼۍ د خبرپاڼې له مخې، پوتین او د چین ولسمشر شي جینپینګ به د «دوهاړخیزو اړیکو» او «مهمو نړیوالو او سیمهییزو مسایلو» په اړه خبرې ولري.
پوتین په داسې حال کې چین ته سفر کوي، چې د هغه ستراتېژیک سیال، ډونالډ ټرمپ چین ته خپل دوه ورځنی سفر پای ته رسولی.
ټرمپ له چین نه د بېرته تګ پرمهال خپل سفر له لاسته راوړنو ډک بللی وو.
هم مهاله د امریکا ولسمشر ډونلډ ټرمپ ټایوان ته خبرداری ورکړی چې له چین دې په رسمي ډول د خپلواکۍ اعلان نه کوي.
د امریکا ولسمشر د جمعې په ورځ، په بېجینګ کې له خپل چینایي سیال شي جین پینګ سره د دوه ورځنۍ سرمشریزې په پای کې، فاکس نیوز ته وویل: “زه نه غواړم څوک خپلواکي اعلان کړي.”
د ټایوان ولسمشر لای چینګ ټي مخکې ویلي وو چې ټایوان رسمي خپلواکۍ اعلانولو ته اړتیا نه لري، ځکه چې هغه لا دمخه ځان یو خپلواک هېواد ګڼي.