تاند (چهارشنبه، د غويي/ ثور ۱۶ مه) یوه زلزله، چې شدت یې د ریښتر په کچه ۴ اعشاریه ۲ و، تېره شپه د افغانستان شمال ختیځې سیمې ولړزولې.
د جرمني د زلزله پېژندنې ادارې د راپور له مخې، د دې زلزلې مرکر د بغلان ولایت په نهرین ولسوالي کې تر مځکې ۱۵۰ کیلومتره لاندې و.
زلزله په ځايي وخت د شپې په یوولس بجې او ۵۳ دقیقې وشوه.
دې ته په کتو چې په دوه زرمه لسیزه کې هم نهرین د یوې مرګونې زلزلې مرکز و، دې زلزلې اندېښنې پارولي دي خو د دې خبر د خپرېدو تر شېبې پورې د مرګ ژوبلې او تاوانونو کوم راپور نه دی ترلاسه شوی.