تاند (دوشنبه د ثور/ غويي ۱۴مه) په افغانستان کې د طالبانو د حکومت تر واک لاندې د فوټبال فدراسیون خبر ورکړی، چې ملي لوبډله به د مالدیف په کوربهتوب په نړیواله لوبلړۍ کې ګډون وکړي.
یاد فدراسیون زیاته کړې، چې دغه سیالۍ به د روان کال د جون په لومړۍ نېټه پیل او د همدې میاشتې تر ۱۰مې به دوام وکړي.
د افغانستان فوټبال فدراسیون نن دوشنبه په یوه خبرپاڼه کې دا خبر خپور کړی دی.
سرچینې په خبرپاڼه کې ویلي، چې په دغه سیالیو کې د افغانستان ترڅنګ د پاکستان او مالدیف ملي لوبډلې او د بنګله دېش تر ۲۳ کلنو کم عمره لوبډله هم برخه ولري.
دغه لوبډلې به یو د بل سره به سیالۍ وکړي.