تاند (جمعه، د غويي/ ثور ۴ مه) د جرمني د پولیسو د تازه احصایو له مخې، په دغه هېواد کې په تاوتریخجنو جرمونو کې د بهرنیانو د ښکېلتیا کچه د جرمن وګړو پرتله لوړه ښودل شوې، خو کارپوهان ټینګار کوي چې دا توپیر تر ډېره د ټولنیزو او اقتصادي شرایطو له امله دی، نه د تابعیت له امله.
د جرمونو شمېرې څه ښيي؟
د جرمني د جنايي احصایو (PKS) د ۲۰۲۵ کال د راپور له مخې، له هر ۱۰۰ زره جرمن سړیو څخه ۲۷۳ کسان د تاوتریخجنو یل متشددو جرمونو په تړاو مشکوک بلل شوي دي.
خو دا شمېر د ځینو بهرنیو وګړو لپاره ډېر لوړ دی. د بېلګې په توګه:
- د سوریې وګړي: ۲۲۵۲ مشکوک کسان په هر ۱۰۰ زره کې
- د افغانستان وګړي: ۲۵۴۵ مشکوک کسان په هر ۱۰۰ زره کې
په ټولیز ډول، شاوخوا ۴۳ سلنه هغه کسان چې په تاوتریخجنو جرمونو کې تورن بلل شوي، د جرمني تابعیت نه لري.
ولې دا شمېرې لوړې دي؟
د جرمني چارواکي وايي چې یو مهم لامل دا دی چې بهرنیان عموماً:
- ځوانان وي
- ډېر یې نارینه وي
دا دواړه عوامل د جرمونو له لوړې کچې سره تړاو لري.
حتی که عمر هم په پام کې ونیول شي، بیا هم بهرنیان د همدې عمر د جرمنانو پرتله دوه برابره ډېر په جرمونو کې تورن بلل شوي دي.
د کارپوهانو بل نظر
ټولنپوهان بیا دا شمېرې په بل ډول تفسیروي. د دوی په وینا:
- ډېری بهرنیان بېوزله دي.
- په هغو سیمو کې ژوند کوي چې جرمونه پکې ډېر وي
- پولیس هم په همدې سیمو کې زیات حضور لري
دا عوامل سبب کېږي چې جرمونه ډېر ثبت شي او بهرنیان ډېر مشکوک وبلل شي.
همدارنګه ویل کېږي چې:
- د کورني تاوتریخوالي تجربه
- د تاوتریخوالي منونکي ټولنیز دودونه
- د زده کړو کم فرصتونه
هم د جرمونو په کچه اغېز لري.
پایله
که څه هم احصایې د بهرنیانو د جرمونو لوړه کچه ښيي، خو کارپوهان وايي چې اصلي لاملونه ټولنیز او اقتصادي دي. د دوی په باور، که دا شرایط سم وڅېړل شي، نو د بېلابېلو ډلو ترمنځ د تاوتریخوالي په چلند کې لوی توپیر نه پاتې کېږي.