تاند (چهارشنبه د وري – حمل ۱۹مه) د امریکا د ولسمشر ډونلډ ټرمپ د دوه اونیو مشروط اوربند له اعلان وروسته په تېرو څو ساعتونو کې د تیلو بیې د پام وړ کمې شوې.
د رسنیو د راپورونو له مخې په بازارونو کې لا هم د تیلو بیې د کمېدو په حال کې دي.
اوسمهال د یو بېرل خامو تېلو، بيه شاوخوا ۱۳ سلنه راټيټه شوې او شاوخوا ۹۴ ډالرو ته رسېدلې ده.
د رسنیو د راپورونو له مخې د امریکا د خامو تېلو بيه هم شاوخوا ۱۴ سلنه ټيټه شوې. د سې شنبې په ورځ د یو بېرل خامو تېلو بيه شاوخوا ۱۰۰ ډالره وه.
د ایران او امریکا ترمنځ د دوو اونیو اوربند له پرېکړې ګڼو هېوادونو هرکلی کړی دی.
دغه اوربند وروسته له هغې وشو کله چې، ټرمپ پرون سه شنبه ایران ته ګواښ وکړ چې ګواکې په بشپړ ډول به یې ونړوي خو ایران یې پر وړاندې مقاومت وښوده.
د ایران او امریکا له دوه اوونیز اوربند وروسته ټرمپ وايي، له هرمز څخه د بیړیو په تګ راتګ کې مرسته کوي