تاند (یکشنبه د کب – حوت ۱۷مه) د ۲۰۲۶ کال د کرکټ شل اوریزو لوبو نړیوال جام سیالۍ پایلوبه د هند او نیوزیلند ترمنځ وشوه.
د هند لوبدلې، نیوزیلنډ لوبډلې ته په ماتې ورکولو سره دغه جام په خپل نوم کړ او اتلولي د دویم ځل لپاره په خپل نوم کړه.
پایلوبه نن په هند کې د نرېندرا مودي په کرکټ لوبغالي کې ترسره شوه چې زرګونه نندارچیان یې نندارې ته ورغلي وو.
د هند لوبډلې نیوزیلنډ ته په شلو اورونو کې د پنځو لوبغاړو په زیان د ۲۵۶ منډو هدف ورکړ، خو د نیوزیلنډ لوبډلې د خپلو ټولو لوبغاړو په سوځیدو سره ونه شو کولای ورکړل شوی هدف پوره کړي.
دغه لوبه د هند لوبډلې په ګټه پای ته ورسېده.
دغه سیالۍ د هند او سریلانکا په کوربهتوپ پیل شوې وې او په څلورو ګروپونو کې د شلو هېوادونو لوبډلو پهکې ګډون کړی وو.
د یادونې وړ ده، چې هند د ۲۰۲۴ کال د شل اوریزکرکټ نړیوال جام اتلولي هم ګټلې وه.