تاند (شنبه، د کب/ حوت ۹ مه) ټي ټي پي په یوه اعلامیه کې، چې د جمعې په ورځ یې خپره کړه، ویلي چې د دې تحریک مشر نورولي محسود خپلو جنګیالیو ته امر کړی چې پر افغانستان د شوو هوايي بریدونو په غبرګون کې دې په ټول پاکستان کې سمدستي بریدونه وکړي.
ښاغلي محسود په یوه لیک کې کښلي: «ټولو ملګرو او په ځانګړې توګه د پنجاب او سند ايالتونو د ښاري سيمو مجاهدينو ته سپارښتنه کېږي چې خپل بریدونه په منظم ډول ترسره کړي او له مرکز سره دې په اړیکه کې اوسي.»
په دې لیک کې له قومندانانو غوښتل شوي چې خپل فعالیتونه چټک کړي او بریدونه په منظم او اغېزمن ډول ترسره کړي.
په همدې حال کې راپورونه وايي چې د شمالي وزیرستان په میرعلي کې د پاکستاني یرغلګر پوځ پر یو لوی کمپ د درنو چاودنو وروسته نښته روانه ده.
د بریدونو ویډیویي شواهد دې له مخکنۍ اجازې له اخیستو پرته، په مستقیم ډول پر ټولنیزو شبکو خپاره کړي.