تاند (جمعه د کب – حوت ۸مه) د پاکستان د مذهبي سیاسي ډلې جمعیت علمای اسلام مشر مولانا فضل الرحمن د اوسني وضعیت په اړه اندېښنه څرګنده کړې او ویلي یې دي چې یو اړخیزه پوځي اقدامات د ستونزې حل نه دی، بلکې لا نورې پېچلتیاوې رامنځته کوي.
د جمیعت علمای اسلام د مطبوعاتي برخې د معلوماتو له لوري خپور شوی بیان وايي، فضل الرحمن ویلي، چې د پاکستان امنیتي اندېښنې قانوني دي، خو د افغانستان خپلواکي او کورني ستونزو ته درناوی هم ضروري دی.
هغه زیاته کړې، چې احساساتي چلندونه د دواړو هېوادونو لپاره د پېچلتیاوو سبب ګرځي.
مولانا فضل الرحمن له دواړو هېوادونو غوښتي چې د حوصلې، زغم او مسؤلانه چلند له مخې سملاسي اوربند اعلان کړي.
د پاکستان د اطلاعاتو وزیر د پاکستان پر څو ښارونو د ډرون الوتکو بریدونه تایید کړل