تاند ( شنبه د کب – حوت ۲مه ) د ۲۰۲۶ کال شل اوریز نړیوال جام د ۸ غوره لوبډلو پړاو نن شنبه پيلېږي.
د دغې پړاو په لومړۍ لوبه کې نن ماښام نيوزيلانډ او پاکستان سره مخامخ کېږي.
د مالوماتو له مخې د نیوزیلانډ او پاکستان ترمنځ تر دې مهاله ۴۹ شل اوریزې لوبې شوي چې ۲۴ یې پاکستان او ۲۳ یې نیوزیلانډ ګټلې دي.
دغه لوبه د ماښام ۶ بجې پيلېږي.
د دې جام ۸ غوره پړاو ته هند، پاکستان، سریلانکا، نیوزیلانډ، ویسټ انډیز، سویلي افریقا، انګلستان او زمبابوې لوبډلو لار موندلې ده.
د یادونې وړ ده چې، افغان لوبډله په سږني نړیوال جام، په ګروپي پړاو کې لومړنۍ دوه لوبې د سویلي افریقا او نیوزیلانډ پر وړاندې وبایللې او دوه نورې یې د کاناډا او متحده عربي اماتو پر وړاندې وګټلې خو بریالۍ نشوه چې د ۸ غوره لوبډلو پړاو ته لا ومومي.