تاند ( یکشنبه د سلواغې ـ دلوې ۱۹مه) د طالبانو د حکومت د ټرانسپورټ او هوانوردۍ وزارت د هوا پېژندنې ریاست سبا دوشنبه د هېواد په ۲۷ ولایتونو کې د درنې واورې او سختو بارانونو اټکل کړی دی.
یاد ریاست په ځېنو ولایتونو کې د ورښتونو ترڅنګ د توندو بادونو اټکل هم کړی دی.
ولایتونه:
کابل، نورستان، ننګرهار، لغمان، پنجشیر، پروان، کاپیسا، بغلان، سمنګان، لوګر، پکتیا، پکتیکا، خوست، میدان وردګ، بامیان، دایکنډي، غزنی، زابل، ارزګان، کندهار، هلمند، فراه، هرات، غور، بادغیس، فاریاب، او سر پل هغه ولایتونه ښودل شوي چې د واورې او بارانونو اټکل پکې شوی دی.
سرچینې خلکو ته خبرداری ورکړی چې د ځان د روغتیا او سلامتیا پام وساتي.