تاند- فرانسوي مخترع کرسچین پوینشیوال (Christian Poincheval) یوه ځانګړې او حیرانوونکې اختراع کړې ده، چې د انسان له بدن څخه د وتونکې ګاز (باد) بدبويي په ښه بوی بدلوي.
د دې اختراع نوم Pilule Pet او د ګولۍ نوم (Lutin Malin) دی، چې په نړۍ کې یوه خورا عجیبه او په زړه پورې ساینسي اختراع شمېرل کېږي.
د راپورونو له مخې، د دې ګولۍ جوړوونکی وايي چې دا له طبیعي اجزاوو جوړه شوې ده، نه یوازې بد بوی کموي، بلکې د هاضمې په ښه کولو کې هم مرسته کوي.
په زړه پورې دا ده چې دا ګولۍ د انسان د باد بوۍ د ګلاب، بنفشې یا چاکلېټ د بوۍ په شان په ښو بویونو بدلوي.
۶۵ کلن کرسچین پوینشیوال ویلي چې ډېری خلک د دې ستونزې له امله شرمېږي، خو ده دې موضوع ته د یوه جدي ساینسي چلنج په سترګه وکتل او د حل لار یې ورته وموندله.