تاند ( چهارشنبه د مرغومي ـ جدي ۲۴مه) د رویټرز خبري اژانس د راپور له مخې، امریکا خپلو یو شمېر کارکوونکو ته امر کړی چې تر نن چهارشنبې ماښام په قطر کې له العديد پوځي اډې ووځي.
د دې پرېکړې په اړه درېیو ډیپلوماتانو رویټرز ته معلومات ورکړي دي.
راپور کې راغلي چې، دا اقدام د واشنګټن له هغو تازه خبرداریو وروسته شوی، چې پکې یې د ایران د روانو لاریونونو د ملاتړ لپاره د احتمالي مداخلې خبره کړې ده.
په ورته وخت کې د ایران له لوري هم ګواښ شوی چې، که پر ایران برید وشي، نو په سیمه کې به د امریکا پوځي اډې په نښه کړي.
په دوحه کې د امریکا سفارت تر اوسه په دې اړه رسماً څه نه دي ویلي.
د قطر د بهرنیو چارو وزارت هم د یاد اقدام په تړاو د رویټرز خبري آژانس پوښتنو ته ځواب نه دی ورکړی.
د یادونې ده، چې العديد هوايي اډه د منځني ختیځ تر ټولو ستره امریکايي پوځي اډه ده، چې شاوخوا لس زره امریکايي سرتېري پکې دي.
چارواکو ویلي، دا اقدام د امنیتي وضعیت د بدلون په چوکاټ کې شوی، خو تر اوسه د بشپړې تخلیې رسمي اعلان نه دی شوی.
کله چې د سعودی له لوری امریکا ته وویل شو چې نشي کولی د سعودی له خاوری په ایران برید وکړی نو اوس په سعودی کې خپل نظامی آډه پخپل حال پریښي ترڅو ایران په سعودی برید وکړی دا چې قطر ایران هیواد د امریکا د نظامی آډي معلومات ورنکړی نو ځکه یی دا نظامی کسان وویستل
بله دا چې امریکا په عراق کې دوه ، سعودی، سوریه، قطر، اماراتو او په پاکستان کې یوه یوه نظامی آډه لری