تاند( چهارشنبه د مرغومي ـ جدي ۲۴مه) په متحده عربي امارتو کې د طالبانو له سفارت څخه په خپره شوې خبرپاڼه کې راغلي چې، نن چهارشنبه د دغه سفارت سفیر، بدرالدین حقاني د ابوظبي د اتحاد دولتي شرکت د امنیتي چارو له رییس، عمر سعید المعمري سره کتلي دي.
په دې کتنه کې، افغانستان ته د ابوظبي د اتحاد دولتي شرکت د الوتنو پیل په اړه خبرې شوې دي.
المعمري، ډاډ څرګند کړی چې په نيزدې راتلونکې کې دغه هوايي شرکت افغانستان ته منظمې الوتنې پیل کړي.
خبرپاڼه کې راغلي چې، د طالبانو سفیر حقاني په دې کتنه کې ویلي چې، د یاد شرکت د الوتنو پیل به د افغانستان او متحده عربي اماراتو ترمنځ دوهاړخیزې اړیکې لا پیاوړې شي.
نوموړی وایي دغه راز به د دواړو هېوادونو د سوداګریزې راکړې – ورکړې او د تګ – راتګ کچې پراختیا کې هم مهم رول ولوبوي.