تاند ( سه شنبه د مرغومي ـ جدي ۲۳مه) د افغانستان د کرکټ بورډ ویاند، سیدنسیم سادات ویلي هڅه کوي څو د هېواد پخوانی چټک توپ اچوونکی، شاپور ځدراڼ د درملنې لپاره هند ته ولېږي.
سادات وايي، ځدراڼ ته د هند ویزې اخیستلو هڅه کې دي او په راتلونکو ورځو کې به یې ترتیبات وشي.
د نولس کلنې افغان لوبډلې روزونکي، رییس احمدزي مخکې ویلي وو چې د شاپور ځدراڼ د وینې سپین کرویات کمېږي.
ګڼ شمېر افغانانو د شاپور ځدراڼ په ناروغۍ خواشيني ښودلې او د هغه د روغتیا لپاره یې دعاوې کړې دي.
د کرکټ شنونکو پر کرکټ بورډ غږ کړی چې، ژر د هغه درملنې ته ور ودانګې.