تاند(سه شنبه د مرغومي ـ جدي ۲۳مه) د هند د صنعت او سوداګرۍ وزارت یوې رسمي څانګې ویلي، چې د ایران د روانو کړکېچونو او ناکراریو له امله افغانستان سره د سوداګرۍ د موقت ځنډ خبرونه ناسم دي.
د یاد وزارت په وینا، په ټولنیزو رسنیو کې خپرېدونکی لیک او خبرونه، چې ادعا کوي هند د ایران د بې ثباتۍ له کبله د افغانستان سره سوداګرۍ ځنډولې، جعلي دي.
خبرپاڼې زیاته کړې، چې دا د پاکستاني جعلي ټولنیزو اکونټونو پروپاګند دی.
تازه داسې خبرونه خپاره شول، چې په ایران کې د روانې زیاتېدونکې بې ثباتۍ او ناکرارۍ له امله هند افغانستان سره سوداګري تړلې ده.