تاند (شنبه د مرغومي ـ جدي ۱۳مه) د طالبانو حکومتي اژانس باختر په یوه خبرپانه کې ویلي چې، د ننګرهار ولایت امربالمعروف مسوولانو، د پچیراګام ولسوالۍ په لاندې پچیر سیمه کې یو نغری نیولی دی.
خبرپاڼه زیاتوي چې، خلکو دې نغري ته ناسم تعبیر لرونکې عقیده درلوده نو ځکه یې ونیوه.
د خبرپاڼې د معلوماتو له مخې، هر کله به چې د دوو کسانو ترمنځ شخړه رامنځته کېده، د حل په موخه به خلکو یاد نغري ته قلف اچوه او دا به یې د ستونزو د هوارېدو وسیله بلله.
د طالبانو امربالمعروف وایي چې، دا کړنه له اسلامي او شرعي اصولو سره په ښکاره ټکر کې ده.
د یاد ریاست مسؤلانو زیاته کړې، چې د عامه پوهاوي له لارې له ورته ناسمو باورونو او کړنو مخنیوی وکړي.
د افغانستان په لرې پرتو سیمو کې د دې نغري په څېر ډېر داسې باورونه او پټې کیسې شته چې، د خلکو په باور اسلام سره ټکر او په کلیو کې دود دي.
عام خلک هم د دا ډول ناسمو باورونو د مخنیوي برخه کې د چټکو اقداماتو غوښتنه کوي.
ډیر ښه کار یې کړی دغه نجاست ده 👍
دا شرک ده 😡