تاند ( چهارشنبه د مرغومي ـ جدي ۱۰مه) د طالبانو د حکومت د عامې روغتیا وزارت مسوولانو نن چهارشنبه خبر ورکړی، چې په تېرو څلورو کلونو کې یې ۴۰۰ روغتیايي مرکزونه جوړ کړي دي.
د یاد وزارت ویاند ډاکټر شرافت زمان په خپله اېکس پاڼه لیکلي چې، دغه روغتونونه د هېواد په بېلابېلو سیمو کې جوړ شوي دي.
سرچېنې زیاته کړې، چې یاد وزارت دا اقدام د روغتیايي سکټور د پیاوړتیا په موخه ترسره کړی دی.
سرچینې تر دې وړاندې ویلي وو چې، د طالبانو له بیا واکمنېدو راهیسې روغتیايي مرکزونه د پخوا په پرتله د کیفیت له پلوه ښه شوی دي.
شرافت زمان زیاتوي چې، دوی هڅه کوي د معیاري کېدو لپاره په دې سکټور بشپړ نظارت دوام لري.