تاند ( یکشنبه د مرغومي ـ جدي ۷مه) د کډوالو ستونزو ته د رسېدنې عالي کمېسیون خبر ورکړی،چې تېره ورځ شنبه ۶۶۸ کډوالې کورنۍ چې، د غړو شمېر یې ۲زره ۵۵۳تنه کیږي هېواد ته راستانه شوي دي.
یاد کمېسیون زیاتوي چې، دغه شمېر کډوال له ایران او پاکستان څخه په جبر راستانه کړای شوي دي.
د سرچینې د مالوماتو پر اساس یاد شمېر کډوال د تورخم، سپین بولدک، بهرامچې، ورېښمو پل او اسلام کلا له لارو هېواد ته راستانه شوي دي.
یاد کمېسیون ویلي، تېره ورځ یي ۶۹۴کډوالې کورنۍ بیا خپلو اصلې مېنو ته لېږدولي دي.
د طالبانو د یاد کمېسیون په وینا په تازه راستنو شویو کډوالو میلیونونه افغانۍ نغدي مرستې هم وېشل شوې دي.
د یادونې وړ ده چې د تېرې جمعې په ورځ هم تر ۲۵۰۰ کډوال هېواد ته راستانه شوي دي.