تاند ( چهارشنبه د مرغومي ـ جدي ۳مه) د هرات سیمه ییزو چارواکو په یوه خبرپاڼه کې ویلي چې، دلومړي ځل لپاره له دغه ولایت څخه د ۲۳ میلیونه افغانیو په ارزښت صنعتي ماشینونه تاجکستان ته صادر شول.
په دې محموله کې د ګچ او سمنټو د فابریکو لپاره ځانګړي ماشینونه او دستګاوې شامل دي.
د طالبانو د صنعت او سوداګرۍ وزارت مرستیال ویلي، چې دوی د صنعتکارانو لپاره د پانګونې لازمې اسانتیاوې برابرې کړي دي.
د سوداګري وزارت زیاتوي چې، د همدې لاسته راوړنو له امله نن ورځ د هېواد د کورنیو تولیداتو د صادراتو ارزښت دوو میلیارد ډالرو ته رسېدلی دی.
سرچېنې لیکلي، د دې صادراتو د قرارداد ټولیز ارزښت ۸۰ میلیونه او ۴۵۰ زره افغانۍ دی.
د دغه قرارداد په لومړي پړاو کې د ۲۳ میلیونه او ۴۵۰ زره افغانیو په ارزښت یوه محموله صادرېږي.