تاند ( چهارشنبه د مرغومي ـ جدي ۳مه) فراه ولایت کې د طالبانو امنیه قومندانۍ ویلي چې، د دغه ولایت د مرکز فراه ښار په کارېز جلال سیمه کې د دوو کورنیو ترمنځ په شخړه کې څلور کسان وژل شوي دي.
یادي قومندانۍ زیاته کړې چې، دغه شخړه پرون سه شنبه د دواړو کورنیو ترمنځ د خېښۍ له امله رامنځ ته شوې ده.
په دغه شخړه کې یو کس له یوې او درې نور له بلې کورنۍ وژل شوي دي.
سرچینه وايي، تر اوسه د یادې پېښي په تور دوه کسان نیول شوي او په اړه یې نورې پلټنې روانې دي.
د پېښې د رامنځته کېدو لامل لا نه دی څرګند شوی، خو د افغانستان په لرې پرتو سیمو کې وخت ناوخته د ناسمو دودونو له امله د خلکو ترمنځ تاوتریخوالي رامنځته کېږي چې، له امله یې وژنې رامنخته کېږي.