تاند ( چهارشنبه د مرغومي ـ جدي ۳مه) برتانیوي رسنیو راپور ورکړی چې، په سکاټلنډ کې د یوې کمعمره نجلۍ د جنسي تېري په تور افغان پناه غوښتونکی، رفیع الله احمدزی، په ۹ کلونو بند محکوم شوی دی.
راپورونه کاږي، ۲۱ کلن رفیع الله چې تېر کال یې په سکاټلنډ کې په یوه پارک کې پر ۱۷ کلنې نجلۍ جنسي تېری کړی و، د محکمې له لوري پر ۹ کلونو بند محکوم شو.
خو احمدزي ادعا کړې چې هرڅه د دواړو په رضایت شوي دي.
دغه کس د جنسي تېري ترڅنګ د ګواښونکي چلند په جرمونو کې هم مجرم پېژندل شوی.
د یادونې وړ ده چې څو اونۍ وړاندې په برتانیا کې هم دوه افغان پناه غوښتونکي پر یوې ۱۵ کلنې نجلې د جنسي تیري پېښه کې په نهو او لسو کلونو بند محګوم شوي دي.