تاند ( سه شنبه د مرغومي ـ جدي ۲مه) د اوبو او انرژۍ وزارت خبر ورکړی، چې نن سه شنبه به د برېښنا رسونې برخه کې له یوه خصوصي شرکت سره مهم قرارداد لاسلیک شي.
د طالبانو د حکومت یاد وزارت د دې قرارداد ارزښت ۲۸.۴میلیونه ډالره ښودلی.
سرچینې ییلي چې، د دې قرارداد له مخې به د جوزجان ولایت قوشتېپې او درزاب ولسوالیو کې د برېښنا رسونې شبکې چارې وغځول شي.
د اوبو او انرژۍ وزارت په دې اړه نور جزیات نه دي ورکړي او ویلي یې دي چې زیاد جزیات به یې وروسته شریک کړي.
دا خبر داسې مهال خپرېږي چې، د پلازمېنې کابل په ګډون د هېواد د ټولو ولایتونو اوسېدونکي د برېښنا له کمښته شکایت لري.
دوی هیله لري چې، ژر به حاکم نظام د برېښنا د نشتون ستونزه حل کړي.