تاند (سې شنبه، د مرغومي/ جدې ۲ مه) جرمنۍ مېرمن مایکایلا بېنتهاوس په ۲۰۲۵ کال کې د نړۍ لومړنۍ ستورمزلې شوه چې د څرخڅوکۍ (ویلچېیر) کاروونکې وه، خو بیا یې هم فضا ته سفر وکړ.
د ګارډین ږرځپاڼې د راپور له مخې، ۳۳ کلنې جرمنۍ انجنیرې مایکایلا بېنتهاوس د شنبې په ورځ (د دسمبر ۲۰ مه) د میلیاردر جېف بېزوس د شرکت بلو اوریجن د «نیو شیفرډ» توغندي په وسیله فضا ته سفر وکړ.
هغې د پنځو نورو مسافرو په ملتیا د امریکا د ټېکساس ایالت له لوېدیځې سیمې څخه الوتنه وکړه او د ځمکې له سطحې څخه ۱۰۵ کیلومتره لوړوالي ته ورسېده، هلته د فضا له هغې نړیواله منل شوې کرښې، چې د کارمن کرښه بلل کېږي، واوښته. دې ټول سفر شاوخوا لس دقیقې وخت ونیوه.
۳۳ کلنه مایکایلا د فضايي انجینرۍ متخصصه ده او له اروپايي فضايي ادارې (ESA) سره کار کوي. نوموړې په ۲۰۱۸ کال کې په یوه پېښه کې معذوره شوه، خو له دې سره سره یې د خپل ارمان د پوره کولو لپاره هڅې ونه درولې.
د الوتنې پر مهال، هغې خپله څرخچوکۍ پر ځمکه پرېښوده او په فضا کې د پاتې کېدو پر مهال یې نژدې درې دقیقې د جاذبې له اغېز پرته د «بېوزنۍ» تجربه وکړه. په دې ترڅ کې دا د کپسول دننه په ازاده توګه الوته.