تاند (سې شنبه، د لیندۍ/ قوس ۱۶ مه) د صنعت او سوداګرۍ وزارت د سېشنبې په ورځ اعلان وکړ چې د قرغیزستان یو جګپوړی پلاوی کابل ته رسېدلی دی.
د یاد وزارت د خبرپاڼې له مخې، د دې پلاوي د سفر موخه د قرغیزستان او افغانستان ترمنځ د اقتصادي همکاریو پراخول او د سوداګرۍ او پانګونې د کچې لوړول دي.
په خبرپاڼه کې ویل شوي چې د دې سفر پر مهال به د قرغیزستان پلاوی د اسلامي امارت له چارواکو سره جلا جلا وویني، د سوداګریزو اړیکو په کنفرانس کې به ګډون وکړي او همداراز به دوهاړخیزې ناستې ترسره شي.
سرچینه زیاتوي چې پلاوی به په افغانستان کې صنعتي تاسیسات او بېلابېلې فعالې تصدۍ هم وویني.