موږ د جمهوریت په شل کلنه موده کی مالی امکانات او نړیوال مساعدات ډیر درلودل خو مع الاسف ملی خادمان کم وو ،ضایعات ،فساد او نا اهلو ته کار او امانات سپارل د بن د فساد اساس کی نغښتی وو ؛ قومی ویش او جاهلی تعصباتو د فساد لپاره فضاء مساعده کړی وه ،والی ،جنرال ،وزیر ،معاونین او روئسا په ویش وو ،او تر دولتی عهدی خپل شهرک،هوټل او زر ټولولو ته جنون ساری شوی وو ،مجاهد ،ملا،معلم ،ماستر او دکتور،د غرب وږی تږی ترجمانان ټولو ناولې منګولې د بیت المال په تالان او د فاستبقواالخیرات پر ځای فاسبقواالفساد ته یی سقوط کړی وو دا ولی؟
ځکه دا حکام اهل نه وو په خپله وظیفه او مسئولیت خبر نه وو ،د بن د ویش په اساس کرسۍ اشغال د لوټ لپاره وه نه د خدمت او ملت سازی لپاره.
نو هرچا کوشش کولو چي شهرک ،هوټل او نور ولری ،قصرنشین او کوچۍ دواړه دی ملت ته غله وو؛ پیسی که څه هم زیاته برخه یی بهر ته انتقالیدی خو د ننه داسی کار چي عام المنفعه او علمی وی چندان قابل حساب نه وو لکه معتبر پوهنتون ،شفاخانی ،دوا سازی سره لدی چي دارویی بوټی ډیر لرو ، زراعت او آبیاری ،مالداری او نور کوم چي د ملت احتیاج کمولی شی څه ونشول ؛سره لدی چي دا ټول ښه عایدات لری خو نا اهل حرامخورو دا سویه او ظرفیت یی نه درلود چي فاستبقوا الخیرات کی ګام واخلی یا سرمایه ملی ګټو ته سوق کړی نو ځکه نن زموږ وزرا په علم مباح پسی تر دهلی منډی وهی.
اوس هم زموږ امرا کوم چي سرمایی لری لکه متقی ،وزراء،والیان او قوماندانان اوسنی او سابقه خپلی پانګی دِ دننه او په ملی لمړیتوبونو په کار واچوی او دا ابتکار د لمړی امرا وکړی او د خیر اساس دې قایم کړی نو که دِ امرا او علماوو عملی ژوند کی دین وځلید بیا د ملت اصلاح ته لار پرانیستل کیږی او معیار به مفتی و شیخ نه متقیانو ته لوړ شی .
خو پانګوال باید لازم دولتی سهولتونه ولری بلا انحصار او هم مطمئن وی چي مجاهدین په اختطاف ،غصب او حرامو خپل جیب نه ډکوی لکه د مخدوم او وړوکی عبدالرؤف پیښه په شمال کی .
نور باید امراء غیر مسئول او واجب الاحترام نه وی لکه ندیم ،وفا او امثالهم طالبان چي کومه ادعا او تقاضا لری .خلک او اکثریت د ملت په دین تر خالد حنفی او ملت ځپونکی ټولګی یی ډیر ښه پوهیږی او حملی ،وهل او تحقیر د یو مسلمان مامور کار ندی بلکی ښه ژبه ،خدمت او حمایت د ملت د هر مامور دنده جوړوی ؛نو نباید د خپل کلی نادودی تعمیم او نوم یی اسلام کیږدو.
فسئلوا اهل الذکر ان کنتم لا تعلمون.