تاند ( دوشنبه د لیندۍ ـ قوس ۲۴مه) د طالبانو د حکومت د کابل امنیه قوماندانۍ ویلي، چې د دوی اړوند دویمې حوزې پولیسو دوه تنه هغه غله ونیول چې له بانکونو راوتونکي کسان به یې لوټل.
یادې قومندانۍ په یوه خبرپانه کې لیکلي، چې له نیول شویو کسانو سره یو میل کلاشینکوف او دوه عرادې موټر هم نیول شوي.
د خبرپاڼې په معلوماتو کې راغلي چې، نیول شویو کسانو په خپل جرم اعتراف کړی دی.
د کابل په ګډون د هېواد په یو شمېر ولایتونو کې وسله والو غلو د خلکو ژوند تریخ کړی.
عام خلک وایي، دا ډول غله عام خلک په لارو لوټي او هرڅه ترې اخلي.
خو خبرپاڼه زیاتوي، کابل چې د افغانستان له نفوس شاوخوا درېېمه برخه خلک پکې مېشت دي امنیتي ځواکونو په وار وار ډاډ ورکړی، چې د دوی له لوري ټولو هغو کسانو په وړاندې چې د خلکو خوندیتوب ته زیان رسوي په وړاندې یې کوټلي ګامونه پورته کوي.
خبرپانه کې ټینګار شوی، چې عام خلک دې له پولیسو سره د خوندي ژوند په موخه همغږي پیاوړې کړي.
کلاشینکوف- لویه وسله څنګه ځآن سره یې ګرځول؟ جالبه ده.