د دایمي یخنۍ احساس یو لامل په وینه کې د وسپنې کموالی هم دی، وسپنه په سرو ژونکو (سرو کرویاتو ) کې د هغوی د ښې دندې رسونې لپاره ډېره مهمه ګڼل کېږي، داسې چې په ښه توګه د بدن هرې برخې ته اکسیجن ورسوي.
هر انسان له بل انسان نه د یخنۍ د احساس په تړاو توپیر لري، که څه هم د سړو په پرتله د ښځو ډېر یخ کېږي، د اړوندې روغتیا برخې کارپوهان وايي، هغه انسان چې تل د یخنۍ احساس کوي، لاملونه یې ځینې ناروغۍ دي.
په تایراید مرغېړي (غده) کې ستونزه
تایرایډ یا تیموس مرغېړی په بدن کې د ګرمې هوا او د حرارت د درجې ساتلو د سیستم کار مخته بیايي، تایرایډ مرغېړی بدن تود ساتي، خو کله چې د دغه مرغېړي فعالیت ټیټ شي، انسان د سړوښې احساس کوي.
په دې حالت کې انسان داسې انګیري چې تودېدو ته اړتیا لري، او تایرایډ مرغېړی لا نورې تودوخې تولیدولو ته اړباسي.
کله چې د بدن حرارت لوړ شي، تایرایډ مرغېړی خپل کار پرېږدي.
د وینې جریان کې نیمګړتیا
د وینې جریان په بدن کې د حرارت د درجې دمنظمولو لپاره مهم رول لوبوي، کله چې د وینې جریان ګډوډ شي انسان په پښو او لاسونو کې د یخنۍ ډېرېدو احساس کوي.
په بدن کې د وینې د جریان ډېر عوامل دي، د زړه ناروغي، د وینې رګونه کله چې زړه او د وینې رګونه کمزوري شي، زړه ته د وینې د پمپ کولو چاره ګرانه تمامېږي، همدا ده چې لاسونو او پښو ته د وینې په رسولو کې په فعال ډول د زړه فعالیت ټیټېږي.
د شکرې ناروغۍ
ډېر کله د شکر ناروغي د ‘حدودي عصب’ د نیمګړتیا لامل ګرځي، د دې ناروغۍ نښې بې حسوالی او په پښو او لاسونو کې درد وي، دا چې زیانمن شوی عصب دماغ ته د بدن د حرارت د درجې استولو دنده لري، امکان لري د شکر ناروغي لرونکي کسان تل د یخنۍ احساس وکړي.
لږ خوب
امکان شته چې لږ خوب هم په عصبي سیستم کې ګڼې ستونزې راوټوکوي، او په دماغ کې د بدن د حرارت د درجې دګډوډۍ لامل وګرځي، د طب عالمانو په یوې څېړنې کې څېړونکو شل ځوانان ټیک شپیته ساعته له خوبه محروم وساتل، پایله یې دا شوه چې د بدن د حرارت درجه یې د خوب له کبله ټیټه شوه.
د وسپنې د کچې کموالی
د دایمي یخنۍ احساس یو لامل په وینه کې د وسپنې کموالی هم دی، وسپنه په سرو ژونکو کې د هغوی د ښې دندې رسونې لپاره ډېره مهمه ګڼل کېږي، داسې چې په ښه توګه د بدن هرې برخې ته اکسیجن ورسوي.
د وزن کموالی
د هغو کسانو هم ډېر ساړه کېږي، چې وزن یې کم شوی وي، لامل یې دا دی چې بدن یې د یخنۍ پر وړاندې په کافي اندازه غوړ له لاسه ورکړي وي، او د میتابولیزم پر کار منفي اغېز کوي، چې دا کار د بدن د حرارت پر درجې هم اغېز لرلی شي.
د دایمي یخنۍ احساس یو لامل په وینه کې د وسپنې کموالی هم دی
د ”یو طبي ” وېبپاڼې په حواله، روغتیايي کارپوهان په دې اند دي چې په بدن کې باید د غوړو له امبارولو ډډه وشي، د طبیعي وزن ساتنه انسان ته دا وړتیا ورکوي چې بدن یې په ښه توګه د تودوخې د درجې انډول وساتي.