تاند ( یک شنبه د لیندۍ ـ قوس ۲۳مه) د ایران د بهرنیو چارو وزارت ویاند اعلان کړی چې، د تهران په ناسته کې د افغانستان په اړه د ځانګړو استازو غونډه کې د طالبانو نه ګډون، د دوی خپله پرېکړه ده او دوی ورته درناوی لري.
اسماعیل بقایي د یکشنبې په ورځ په یوې خبري غونډه کې وویل، ایران د سیمې د نورو هېوادونو په څېر افغانستان ته د دې ناستې د ګډون بلنه ورکړې وه او غوښتل یې چې، د طالبانو استازی هم پکې حاضر وي، خو د نه ګډون وروستۍ پرېکړه خپله طالبانو کړې ده.
د بقایي په وینا، د تهران ناسته د ایران او د افغانستان د ګاونډیو هېوادونو ترمنځ د سلا مشورو او همدارنګه له طالبانو او پاکستاني چارواکو سره د خبرو اترو پایله ده.
سرچینه زیاتوي چې، له شاوخوا دوو کلونو وروسته، دا لومړی ځل دی چې د افغانستان د چارو د ځانګړو استازو په کچه داسې ناسته ترسره کېږي.
په دې ناسته کې د روسیې، چین، تاجکستان، پاکستان، ازبکستان او ترکمنستان استازي ګډون لري.
د ایران د بهرنیو چارو وزارت ویاند ویلي چې، د دې ناستې اصلي موخه د افغانستان د وروستیو تحولاتو په اړه خبرې او د نظرونو تبادله ده او ټینګار یې کړی چې، ټول هغه بدلونونه او پېښې به پکې وڅېړل شي چې په هر ډول د افغانستان له وضعیت سره تړاو لري.
دا ناسته څو ساعتونه وړاندې پیل شوې چې د افغانستان لپاره پکې د پاکستان ځانګړي استازي، صادق خان ټینګار کړی چې د ترهګرۍ ګواښ په اړه باید د اسلام آباد اندېښنې په جدي توګه وڅېړل شي.
رښتیا هم فکیستان یو ترهګر هېواد دی او د نژدې ټولو ترهګرو مور ټاټوبی بلل کیږي . د دغه ترهګر بې وخته پیدا شوي هېواد مور او پلار لا سم معلوم نه دی ، خو د ټولو ګاونډیانو امنیت یې خربه کړی او سل ګونه تروریستي او ترهګرې ډلې یې د افغانستان ، هندوستان ، ایران ، چین او د منځنۍ آسیا دولتونو پرضد استعمال کړیدي . د نني ترهګریز برید چې په آسترالیا کې شویدی، د اړیکو پل یې فکیستان پورې رسیږي . افغانستان او هندوستان دا اویا اتیا کاله له دغه مضر سرطاني موجود نه کړیږي . هیله ده نړیوال ورته د جراحي یوه سمه لار پیدا کړي .