تاند ( پنج شنبه د لیندۍ ـ قوس ۱۳مه) د اسټرالیا حکومت اعلان کړی چې له ۱۶ کلنۍ کمعمره ماشومان تر دې وروسته د خواله رسنیو له کارولو منع دي.
دغه هېواد کې ماشومان له فېسبوک، انسټاګرام، یوټیوب، سنیپچټ او نورو ټولنیزو رسنیو له کارونې منع شوي دي.
د یاد هېواد حکومت ویلي چې، دغه قانون به د روانې ډسمبر میاشتې له ۱۰ مې نېټې څخه پلی شي.
د یادې نیټې سره سم به له ۱۶ کلونو د کمعمره ماشومانو شته اکاونټونه له منځه ولاړ شي.
دغه قانون د ټولنیزو رسنیو له زیان څخه د ماشومانو د ژغورنې په موخه اخیستل شوی دی.