تاند (دوشنبه د لیندۍ ـ قوس ۱۰مه) د خوست ولایت مقام رسنیو دفتر په یوه خبرپاڼه کې لیکلي چې، سبا (سېشنبه) د خوست قضايي ارګانونه د علیشېرو او تریزیو ولسوالۍ اړوند د یوې پېښې پر یو تن قاتل د قصاص حکم پلی کوي.
په خبرپاڼه کې له اداري مسوولینو، علماو او عامو خلکو غوښتنه شوې چې د سهار لس بجې د دغه حکم د پلي کېدو په صحنه کې ګډون وکړي.
خبرپاڼه کې غوښتنه شوې چې د قصاص د حکم پلي کېدو ساحې ته د کمرې لرونکو ټلیفونونو او وسلو ور وړلو اجازه نشته.
د مالوماتو له مخې پر دغه قاتل ځکه د قصاص حکم عملي کېږي چې، د طالب سرچینو په وینا څه موده وړاندې یې په یاده سیمه کې د یوې کورنۍ ۱۳ تنه په قتل رسولي وو.
ښکلی او په ځای شرعي انساني کار یې کړی. دغسي وحشیان نور د زوند حق نه لري په دې دنیا کې.❤️👍