تاند ( چهارشنبه د لیندۍ ـ قوس ۵مه) افغان کرکټ بورډ لیکي چې، د ۲۰۲۶م کال شل اوریز نړیوال جام سیالیو مهالوېش اعلان شو.
کرکټ بورډ زیاته کړې چې، افغان اتلان به د یادو سیالیو په څلورم ګروپ کې له سویلي افریقا، نیوزیلنډ، متحده عربي امارات او کاناډا سره ځای لري.
افغان لوبډله به د مهالوېش له مخې په یادو سیالیو کې خپله لومړۍ لوبه د راتلونکي ۲۰۲۶م کال د فبروري میاشتې په اتمه نېټه د نیوزیلنډ پر وړاندې ترسره کړي.
بل لورته بیا کرکټ شنونکي تمه لري چې، کرکټ بورډ به د ۲۰۲۶م کال شل اوریز نړیوال جام سیالیو لپاره منظمه او وړ لوبغاړي انتخاب کړي.
دوی وایي هغه لوبغاړي چې وړ نه دي باید په لوبډله کې انتخاب نشي.