تاند ( سه شنبه د لیندۍ ـ قوس ۴مه) د طالبانو د حکومت د صنعت او سوداګرۍ وزارت وایي، د روان ۱۴۰۴ لېږدیز لمریز کال په تېرو اتو میاشتو کې له افغانستان څخه د شاوخوا ۳۳ میلیونه امریکايي ډالرو په ارزښت زعفران صادر شوي دي.
یاد وزارت زیاتوي چې په دغه موده کې ۳۰ مټریک ټنه زعفران صادر شوي دي.
د دغه وزارت ویاند اخندزاده عبدالسلام جواد زیاته کړې چې، یاده اندازه زعفران هندو، متحده عربي امارات، سعودي عربستان، ترکیې، امریکا متحده ایالت، هسپانیې، فرانسې، اسټرالیا او یو شمېر نورو هیوادونو ته صادر شوي دي.
له دې سره هم مهاله د کرنې وزارت مسؤلان وايي، سږ کال په ټول هیواد کې پر ۱۲ زره هکټاره ځمکه زعفران کرل شوي چې، د تېر کال په پرتله ۲۶ سلنه زیاتوالی په کې راغلی دی.