تاند ( دوشنبه د لیندۍ ـ قوس ۳مه) د طالبانو د حکومت د ټولګټو وزارت ویلي چې، روان کال کې به د سالنګ لارې پلان شویو برخو کې د کانکریټ اچونې چارې ژر پای ته ورسیږي.
یاد وزارت زیاته کړې چې، نږدې راتلونکې کې به د باروړونکو موټرو پر مخ دغه لار خلاصه شي.
یاد وزارت ویلي، د سالنګ تونل کې د قیر اچونې کارونه بشپړ شوي او دا مهال د شپې له لوري په نوبتي ډول د ۱۰ ټایره موټرو پرمخ خلاص شوی.
سالنګ لویه لار چې د هېواد له مهمو سوداګریزو او ټرانزیټي لارو څخه دا مهال یې د بیارغونې چارې د ټولګټو وزارت له لوري دوام لري.
عام خلک او سوداګر هم تمه لري چې ژر به د دغې لارې چارې بشپړې او د هر راز تګ راتګ لپاره چمتو شو.